Генерал Кејн: САД за три дена вратија 13 бродови кои се обидоа да ја пробијат блокадата на Ормуската Теснина

САД досега вратија 13 бродови кои се обидоа да ја пробијат блокадата на Ормуската Теснина, изјави денеска командантот на Здружениот штаб на американската армија, генерал Ден Кејн.

На прес-конференцијата во Вашингтон тој додаде дека на почетокот на блокадата имало седум бродови кои биле причина за акцијата на САД, објави Скај њуз.

Кејн истакна дека на 13 април, токму кога американската блокада на преминот стапи во сила, веќе имало обиди од страна на бродовите да се пробие блокадата.

„Меѓутоа, бродовите веднаш ја почувствуваа американската борбена моќ“, додаде американскиот генерал.

Според него, моќта ја прави комбинацијаод од присуството на бродови разурнувачи во Ормуската Теснина, со воздушна поддршка од носачот на авиони „Абрахам Линколн“.

Кејн додаде дека сите бродови кои се обидуваат да ја пробијат блокадата ќе бидат предупредени и дека досега се вратени 13 бродови откако започна блокадата на морскиот премин.

Американскиот претседател Доналд Трамп, кога го означи почетокот на блокадата, рече дека доколку кој било ирански брод се приближи до американската блокада на Ормутската Теснина, ќе биде уништен

МИА