Хегсет: Само што почнавме и ќе се бориме колку што е потребно

Американскиот министер за одбрана Пит Хегсет на вчерашната прес-конференција изјави дека САД имаат јасна воена предност во војната против Иран и се подготвени за продолжена кампања.

– Немаме недостиг на муниција. Нашите резерви на одбранбено и офанзивно оружје ни овозможуваат да ја одржиме оваа кампања колку што ни е потребно, посочи Хегсет.

Според него судирот со Иран е во почетна фаза.

– Само што почнавме борба и одлучно ќе се бориме, наведе Хегсет.

Додека командант на Централната команда на САД, адмиралот Бред Купер истакна дека американските сили за 72 часа погодиле речиси 200 цели во Иран, вклучително и околу Техеран. Според него уништени или потонати се 30 ирански бродови.