Хрватска од 1 јануари ја презема контролата и заштитата на сопствениот воздушен простор

Хрватска од 1 јануари ќе ја преземе контролата и заштитата на сопствениот воздушен простор со повеќенаменски борбени авиони „Рафал“ како дел од интегрираниот систем за противвоздушна и ракетна одбрана на НАТО, соопшти денеска хрватското Министерство за одбрана.

„Преку интензивната обука на персоналот во процесот на воведување на повеќенаменскиот борбен авион „Рафал“ во оперативна употреба, постигнато е ниво на подготвеност за спроведување на задачата за заштита на воздушниот простор во мирно време во рамките на интегрираниот систем за противвоздушна и ракетна одбрана на НАТО“, се наведува во соопштението.

Во 2021 година, Хрватска купи 12 половни авиони „Рафал Ф3Р“ за 1,13 милијарди евра, пренесуваат хрватските медиуми.

МИА