„Инстаграм“ воведува „Инстанти“ - 24-часовни објави со слики што ќе се гледаат само еднаш

„Инстаграм“ го објави глобалното пуштање на новата функција наречена „Инстанти (Instants)“, која овозможува споделување автентични фотографии што исчезнуваат. Функцијата, по тестирањето со избрани корисници, овозможува споделување фотографии што ќе бидат достапни за преглед само еднаш и ќе останат видливи 24 часа.

Апликацијата е инспирирана од социјалните платформи како „Снепчат“, „Локет“ и „Биријал“, нагласувајќи автентична и краткотрајна содржина. Според „Мета“, замислата е да се споделуваат автентични мигови додека се случуваат. За разлика од вообичаената содржина на „Инстаграм“ што често се уредува, „Инстанти“ се дизајнирани за мигови – брзи и во реално време. Сликите се снимаат во рамките на апликацијата и не е дозволено уредување на сликата. Форматот не дозволува ниту прикачување од галеријата и иако е можно да се додаде текст, па понатамошното уредување не е можно.

„Мета“, исто така, го тестира „Инстанти“ како самостојна апликација во одредени подрачја и земји како Шпанија и Италија. Корисниците можат да снимат „Инстант“ со допирање на мини-купот фотографии во долниот десен агол од нивното сандаче на „Инстаграм“-профилот. Откако ќе споделат „Инстант“-фотографија, примателите можат да реагираат со емотикони, да одговорат или да испратат свој „Инстант“.

„Инстаграм“ ќе ги складира споделените „Инстанти“ во приватна архива што корисниците можат да ја гледаат до една година. Исто така е можно да ги соберете сликите од архивата во преглед и да ги објавите во „Приказните (Instagram Stories)“.

Ако случајно споделите „Инстант“, ќе може да се допре копчето „врати“ и да ја избришете содржината од архивата за да го повлечете од пријателите кои сè уште не го отвориле.

Ако не сакате да добивате „Инстант“-објави, може да е исклучи. Може, исто така, да блокирате или исклучите одредени луѓе. „Инстаграм“ се враќа на своите корени, сосредоточувајќи се на понеформални и приватни интеракции меѓу пријателите преку споделувањето слики. Од друга страна, пак, некои критичари велат дека, на пр., сличниот концепт на „Бириал (BeReal)“ веќе не е толку популарен и многу корисници веќе ги користат „Приказните“ за брзи, неформални ажурирања. Затоа, дополнителна функција, како што велат познавачи – не е потребна.

МИА