ЛШ: Минимален пораз за Вардар на гостувањето во Полска

Ракометарите на македонскиот ракометен првак Вардар го претрпеа и четвртиот пораз во групата од Лигата на шампионите откако вечерва загубија минимално со 33:32 кај Висла. Во текот на целиот натпревар екипата на Полска беше во постојано водство.

Резултатот последен пат беше нерешен кога беше 5:5, а потоа Висла направи серија од 5-0. До крајот на првиот дел Вардар намали на 16:13.

При резултат 21:19, Вардар не реализираше седмерец, а домашниот тим го искористи тоа и ја одржуваше предноста на три до четири разлика. До крајот на дуелот Вардар успеа само да ја намали предноста на противникот. Најефикасен на дуелот беше Јака Малус со 9 голови, додека кај Висла Фредерик Бјере постигна 7 голови.

На чело на табелата во групата Б се Висла и Нант со по 6 бодови, Мелсунген има 4, а Вардар е без бод.

Вардар следниот натпревар го игра на гости против Нант на 21.октомври. 

МИА