Мицкоски: Даваме сè од себе да реализираме проект повеќе и да создадеме подобри услови за живот на граѓаните

Премиерот Христијан Мицкоски денеска престојуваше во Делчево, каде изврши увид во градежните активности во ЈЗУ Здравен дом „Гоце Делчев“, како и во почетокот на реконструкцијата на градската спортска сала, која се наоѓа во рамките на Спортско-рекреативниот центар.
За време на посетата, премиерот разговараше со локалното раководство за актуелните и идните проекти, при што беше направен и преглед на досега реализираните активности.

Тој ја истакна посветеноста и ангажманот на градоначалникот на Делчево, нагласувајќи дека резултатите од работата на локалната самоуправа се видливи, а заложбите за реализација на нови проекти и подобрување на условите за живот заслужуваат поддршка и признание.
Притоа, упати благодарност и до општинските советници, администрацијата и сите останати кои учествуваат во реализацијата на проектите.

Премиерот посочи дека Владата, во рамките на своите можности, продолжува да работи на реализација на нови инвестиции, решавање на проблемите на граѓаните и создавање подобри услови за живот.
„Свесни сме дека пред нас има уште многу работа, но остануваме посветени на остварување конкретни резултати. Нашата цел е Македонија да биде подобро, поубаво и попристојно место за живеење“, порача премиерот.
Тој нагласи дека владината поддршка не е насочена само кон Делчево, туку и кон целиот Пијанечко-Малешевски регион и општините кои гравитираат кон него, најавувајќи продолжување на соработката и поддршката за реализација на нови проекти.
Ново на Сител
-

Психолозите предупредуваат: Промените на расположението на децата се аларм дека нешто се случува
-

Тема на денот со претседателот на РКЕ, Ацо Ристов
-

МВР со апел – заштитете ги децата од опасностите од насилната „764” онлајн група
-

Активисти од „Ниту една повеќе“ и граѓани блокираа пред Владата
-

Разликата меѓу синдикалната и владина октомвриска кошничка над 11.000 денари
-

Следната среда продолжение на надзорната расправа за Алта
-

Почна амандмантската расправа за Буџетот
-

Судијата Ристов го оспорува начинот на собирање на доказите
