Мицкоски: За кратко ќе се знае цената на струјата, што ЕСМ ќе ја понуди на тендер

За кратко ќе се знае цената на струјата, којашто ќе ја понуди на тендер ЕСМ, најави денеска претседателот на Владата, Христијан Мицкоски, кој одговараше на прашањето дали ги добил пресметките за цената на струјата и дали се останува на цената од 62 евра за мегават час или пак ќе се зголеми.
Премиерот Мицкоски истакна дека оваа година тендерот за набавка на струја за домаќинствата ќе биде годишен, а не полугодишен како досега.
- Оваа година, бидејќи ќе биде годишен тендерот, нема да биде полугодишен како и досега, цената која што ќе ја понуди на тендерот ЕСМ, а ќе биде мој предлог на Влада, ќе се знае за многу кратко, бидејќи е дел од затворена седница на Владата. Така што бидете трпеливи ќе ја дознаете, изјави Мицкоски.
Инаку ЕСМ ја достави новата цена на струјата до Владата, која треба да одлучи дали предлогот на електрани е прифатлив или пак не е прифатлив. Електричната енергија за домаќинствата ЕСМ ја продава по 62 евра за мегават час.
МИА
Ново на Сител
-

Хаџи Василева останува предметен обвинител во случајот со судијата Ристов - најавува и поактивно обвинителство
-

Тема на денот со Искра Хаџи Василева, шефица на ОЈО ГОКК
-

Девет полицајци кривично ќе одговараат за непостапување за смртта на Росица Коцева од Велес
-

На новороденче на Гинекологија му отсекле дел од прст при вадење на инфузија
-

Осум месеци затвор за палењето на дипломатските возила
-

Раководител на технолошка компанија во Грција бил мета на терористичката ќелија
-

Нови меѓусебни обвинувања за Алта Банка
-

„Избриши го видеото или сите ќе умреме уште вечерва“ - Бугарскиот јутјубер Цанов објави нови пораки од Михаилова
