Монтела останува турски селектор до 2028
Селекторот на турската фудбалска репрезентација, Винченцо Монтела, го продолжи договорот со Фудбалската федерација на Турција (ТФФ) за уште две сезони и ќе остане на должноста до крајот на 2028 година, јави денеска агенцијата Анадолија.
„Нашиот тренер беше на чело на националниот тим пред мојот тим да ја преземе должноста во Федерацијата. Но, сега продолжуваме по истиот пат. Понекогаш разговараме со него дека всушност станал Турчин како нас и затоа работи со оваа посветеност за тимот. Тој создаде многу пријатна колегијална атмосфера со момците во соблекувалната, семејна атмосфера. Тие исто така многу го сакаат тренерот. Веруваме дека каде што има љубов, ќе има и успех“, рече претседателот на ТФФ, Ибрахим Хаџиосманоглу.
Монтела ја презеде функцијата откако претходно работеше со турскиот клуб Адана Демирспор. Во својата тренерска кариера ги тренираше и Фиорентина, Севиља, Милан, Сампдорија, Катанија и Рома.
Ново на Сител
-
Лидерска средба ЕУ – Западен Балкан во Скопје, аналитичарите не очекуваат исчекор во македонските евроинтеграции
-
Филипче во Берлин ќе лобира против „современ“ македонски јазик
-
ЗНАМ до средината јули ќе ги објави кандидатите за градоначалници
-
По одлуката на Уставен, ВРЕДИ и ДУИ се судрија за пописот во 2021
-
Пазарниот инспекторат констатирал зголемување на цените во маркетите, но не биле повисоки од пред замрзнувањето
-
Сител сторија: Дивите депонии во Преспа го загрозуваат здравјето на жителите – како до решение?
-
М. Брод останува една од најеколошките општини - повторно целосно возобновена пречистителната станица
-
Доцнат дрвата за огрев за штипските пензионери