Нема договор меѓу СОНК и Владата, штрајкот во образование се поизвесен

Нема пари во буџетот за повисоки плати во образованието. Само ветување дека се работи на системско долгорочно решение, со кое ќе се зголемат платите. Но не сега. Договорот меѓу СОНК и владините преставници – заврши без успех.

-За жал нема краткорочно решение, само ветување дека ќе се работи за повисоки плати во образованието. За жал, не добивме никакви бројки, никаков  процент. Излеговме разочарани, изјави Јаким Неделков, претседател на СОНК.

Наредната недела, односно на 11 април основните, средните училишта и градинките нема да работат.  Министерката за труд вели – ако градинките не примаат деца, ќе плаќаат казни.

-Легитимно право е да се штрајкува. Но, дечињата, согласно Устав и Закон, мора да згрижуваат деца. Ако не го правaт тоа, ќе плаќаат казни, изјави Јована Тренчевска, министер за труд.

Сепак, кривичниот закон предвидува парични и затворски казни за тој што ќе го спречи  штрајкот, а не за тие што стапуваат во штрајк. Власта најави нова рунда преговори со СОНК, но не прецизираше кога.