Нема нови случаи на западнонилска треска, последните суспектни случаи се негативни

Министерството за здравство информира дека нема нови случаи на западнонилска треска и дека последните суспектни случаи се негативни.

- Во однос на западнонилската треска, до Институтот за јавно здравје не се пристигнати нови лабораториски потврдени случаи. Последните примероци од суспектните случаи се негативни на PCR-тестирањето. Исто така, на Клиниката за инфективни болести нема новопримени пациенти со сомнение за западнонилска треска, соопштува денеска Министерството за здравство.

Оттаму велат дека во координација со надлежните институции, внимателно се следи состојбата и јавноста навремено ќе биде информирана.

МИА