Повисока или пониска откупна цена на грозјето годинава - разногласие помеѓу министерството и лозарите

Лозарите ќе добијат највисока откупна цена на грозјето. Ресорното министерство, производителите и винариите договорија за 30% зголемена цена или 3 денари повеќе во однос на лани. Министерот Николовски  задоволен, во услови на висока инфлација и криза, кога се е поскапено, ова е најкомпромисното решенија, каде задоволни се сите страни.

Сепак, дел од лозарите, незадоволни. Се жалат дека овие цени не можат да им ги покријат трошоците, а ги нема ни ланските субвенции, кои беа наменски издвоени со антикризните мерки.

Лозарите од државата добиваат субвенции до 48 илјади денари по хектар за засадените насади. Дополнително имаат и субвенционирање на зелена нафта, односно плаќаат само половина од сумата. Минситерот Николовски вели, доколку е потребно, повторно ќе им помогнат.