Странски кардиохирурзи и кардиолози ќе ги проверуваат наводите на Сашко Кедев

Странски доктори ќе ја сочинуваат стручната комисија која ќе ги проверува наводите на д-р Сашко Кедев дека во приватни болници сечеле граден кош и опрерирале без потреба. Министерот за здравство ги бара овие експерти во кардиохирургијата и кардиологијата од  европски држави кои ќе проверуваат медицинска документација во приватните но и во државните установи кои прават вакви интервенции. 

-Дајте време на таа експертска комисија, затоа и инсистирав да биде од три различни земји, експерти познати, и на крајот кога ќе имаме извештај, тој ќе ни биде патоказ што понатаму – дали ќе треба да се менуваат закони или други промени во здравствената патека, вели Азир Алиу, министер за здравство. 

Според министерот за здравство, тројцата странски експерти што ги бараат ќе проверат само дел од случаите бидејќи икјадници пациенти годишно одат за кардиолошки интервенции и во приватни и во државни установи. Но обелодени и дека изминатите неколку години надлежните институции не правеле контроли.

Разговарав со лекарската Комора и тие не правеле ниту редовни ниту вонредни контроли.   И министерството за здравство иако има можност за формирање на комисии, немале контроли, вели Алиу. 

Со соопштение се огласи и Фондот за здравственои осигурување од каде велат дека во изминатите 4 години до нив не стигнале претставки за непотребни интервениции.

- ФЗО нема законска надлежност да ја оценува медицинската оправданост на

изведените интервенции, ниту да врши инспекциски надзор врз стручната работа на

здравствените установи. Овие надлежности се во доменот на Државниот здравствен и

санитарен инспекторат или на специјални комисии формирани од министерот за

здравство, велат од Фондот за здравствено осигурување. 

По изјавите на Кедев вчера реагираа и од прватната болница Аџибадем Систина од каде побараа да се прецизира каде се прават непотребни интервенции. Велат дека во изминатите 25 години не направиле операција беа јасна медицинска индикација.