Поради екстремната жештина во Португалија за една недела умреа речиси 300 лица
Екстремната жештина во Португалија минатата недела уби 264 лица, според податоците објавени од Португалскиот генерален директорат за здравство. Екстремната жештина предизвика смртни случаи, особено кај лицата со хронични заболувања и кај оние над 75 години.
Португалската влада прогласи состојба на тревога поради ризикот од шумски пожари, особено поради новиот топлотен бран што се очекува да ја погоди земјата до 7 август.
Португалското Министерство за внатрешни работи соопшти дека оваа недела ќе биде тешка, а црвена тревога е издадена за пет области. Според властите, се очекува нагло зголемување на температурите низ континентална Португалија, со вредности што ќе достигнат или надминат 40 степени.
Препораката до граѓаните, особено оние што припаѓаат на ранливите групи – бремени жени, деца, постари лица, лица кои страдаат од хронични заболувања, е да не излегуваат без итна потреба помеѓу 11 и 16 часот, како и да се заштитат од топлината и да пијат доволно течности.
Во Португалија моментално се активни повеќе од 90 пожари, кои ги гаснат речиси 2.000 пожарникари, со поддршка на 616 копнени возила и 22 авиони.
МИА
Ново на Сител
-
Тема на денот со Билјана Ивановска, поранешна претседателка на ДКСК
-
Невреме со град во Скопје и низ државата
-
Политичките партии со осуда за ксенофобијата на трибини во Куманово, но и со меѓусебни обвинувања
-
Меџити и Лимани остануваат министри и во кампањата - Гаши неделава ќе распише избори
-
Независните почнаа со собирање потписи
-
Утре ќе биде распишан огласот за нов претседател на Антикорупциска
-
Владата повторно ќе воведе „Училишната кошничка“ за да не поскапи цел прибор пред први септември
-
СДСМ: Матни зделки во енергетиката, зошто ВМРО-ДПМНЕ молчи дали Алказар има одобрение за градба?