Премиерот Мицкоски на отворање на новиот производен капацитет на компанијата „АСП – ПАК“ ДООЕЛ во Охрид

Претседателот на Владата, Христијан Мицкоски, денеска ќе присуствува на отворање на новиот производен капацитет на компанијата „АСП – ПАК“ ДООЕЛ во Општина Охрид.

Предвидено е изјава за медиуми да даде премиерот Мицкоски.

Компанијата е основана во 2000 година и започнала со green-field инвестиција во опрема за производство на плетени производи од полиетилен за пакување земјоделски производи.

Производите на АСП ПАК се наменети за земјоделството, градежништвото и индустријата и се користат во повеќе од 50 земји, а компанијата соработува со над 500 клиенти ширум светот, вклучувајќи пазари во Европа и Северна Америка.

Во производното портфолио се вклучени заштитни и противградни мрежи, мрежи за сенка и ветрозаштита, мрежи за градежни скелиња, како и различни видови мрежести вреќи за пакување земјоделски и индустриски производи.

МИА