Русија и Украина ги интензивираат меѓусебните напади

Русија и Украина продолжуваат со меѓусебните напади, а билансот од синоќешните офанзиви е четворица загинати при украинските напади и една жртва од руските напади.

Во синоќешните украински напади врз повеќе руски области загинаа најмалку четири луѓе, а 19 се повредени.

Еден човек загина, а тројца се повредени при напад со украински дрон во Севастопол, на анектираниот полуостров од Русија, Крим.

Три лица загинаа, а деветмина се повредени при украински напад со дрон во Белгородската област.

Украина изврши напади и врз јужната руска Ростовска област при што се повреден седум луѓе, од кои две деца, кои се примени во болница. Од остатоци од дрон погодени се два станбени блокови во пристанишниот град Ростов на Дон.

Министерството за одбрана на Русија соопшти дека извршен е напад врз терминал во украинското пристаниште Николаев.

Во меѓувреме, гувернерот на Одеса, Олех Кипер на Телеграм објави дека при руските напади загина едно лице, а тројца се повредени. При нападите изгореле пет транспортери на жито се изгорени, а три се оштетени. Тој додаде дека се изгаснати сите пожари.

Додека во руските напади врз Киев, повредени се две лица.