Шпанија ѝ доделува нова воена помош на Украина во вредност од 437 милиони евра

Украина ќе добие нов пакет воена помош од Шпанија, чија вредност изнесува 437 милиони евра. Ова го соопшти украинскиот претседател Володимир Зеленски по средбата со шпанскиот премиер Педро Санчез, одржана во Мадрид.
Зеленски нагласи дека Шпанија континуирано ја поддржува Украина од почетокот на руската инвазија. На средбата со Санчез, двајцата разговарале за деталите на новата воена помош, како и за најитните потреби на украинската одбрана, пренесува „Укринформ“.
Украинскиот претседател посочил дека значителен дел од разговорите бил посветен на руските напади врз Украина, кои секојдневно одземаат човечки животи.
Тој ја искористил средбата и да изрази сочувство до шпанскиот премиер и семејствата на загинатите во тешката железничка несреќа што минатиот месец се случила во Толедо, а во која животот го загубиле десетици лица.
Зеленски исто така предупредил на сериозната состојба предизвикана од руските напади врз критичната инфраструктура во Украина. Како особено тешка ја издвоил ситуацијата во Киев, нагласувајќи дека хуманитарната поддршка е од огромно значење за населението.
Тој ѝ се заблагодарил на Шпанија за досегашната помош, упатувајќи посебна благодарност и до премиерот Санчез за личната поддршка.
Во рамки на посетата на Мадрид, Зеленски остварил средба и со шпанскиот крал Фелипе Шести.
Последната посета на украинскиот претседател на Шпанија била на 18 март годинава.
Ново на Сител
-

Битолчанец не се отрезнил два дена, го фатиле со 3,23 промили па за 30 часа со 3,50 промили алкохол во крвта
-

Муцунски ја отвори Амбасадата на Република Северна Македонија во Вилнус: Ново поглавје во односите со Литванија
-

Сиљановска-Давкова: ЕУ треба да го забрза проширувањето и заради сопствената безбедност
-

Серафимовски: Малите семејни винарии заслужено го привлекуваат вниманието кон потенцијалот и квалитетот на македонското вино
-

Владата бара итно мислење од Венециската комисија за предложениот модел на правосудниот испит
-

Англија ја заострува забраната за мобилни телефони во училиштата – нема да смеат да стојат ниту во ранците
-

За клиентите на „АЛТА банка“ од денес достапни електронското и мобилното банкарство
-

Кривична за 28-годишник од Такиџистан, доставил исправа со невистинита содржина со цел да го продолжи престојот
