„Тешко е да се биде оптимист“ - Гутереш не гледа скор крај на војната во Украина

Генералниот секретар на Обединетите нации, Антонио Гутереш, денеска изјави дека е „тешко да се биде оптимист“ во однос на можноста за скоро завршување на војната во Украина, која трае речиси пет години.
Говорејќи на прес-конференција на маргините на самитот на АСЕАН во Манила, Гутереш нагласи дека приоритет на Обединетите нации останува постигнувањето итен и безусловен прекин на огнот меѓу Русија и Украина.
Тој посочи дека секое евентуално примирје мора да претставува почеток на мировен процес што ќе гарантира почитување на меѓународното право, Повелбата на ОН и територијалниот интегритет на Украина.
Изјавата на Гутереш доаѓа по неодамнешните мировни разговори меѓу руските и украинските претставници, кои минатата недела се одржаа во Абу Даби, со посредство на Соединетите Американски Држави. Тоа беа први директни преговори по осуммесечна пауза, но средбите завршија без значителен напредок.
И покрај обновените дипломатски контакти, генералниот секретар на ОН засега не гледа причини за голем оптимизам дека конфликтот наскоро ќе биде ставен крај.
Ново на Сител
-

Илиески: Се загушува гласот на младите бидејќи политичарите немаат капацитет да одговорат на нивните барања
-

Преглед на вестите од светот
-

Тема на денот со Спасе Јанев, директор на Здравствен дом „Железничар“
-

Насилникот нема да смее да се врати дома 48 часа – ако ја прекрши забраната, следува кривична пријава
-

Потребно е поголемо охрабрување на жените од руралните средини да го пријавуваат насилството
-

Мицкоски: Реформската агенда и клучните законски решенија ќе бидат заокружени до декември
-

Охрабрувачки бројки за премиерот, разочарувачки за опозицијата
-

Политичките партии бараат одговорност за Алта банка
