Трамп: На САД не им треба договор со Иран

Американскиот претседател Доналд Трамп денеска изјави дека на САД не им треба договор со Иран и оти на потпретседателот Џеј Ди Венс му наредил да го фокусира „целото свое внимание“ на наводниот криминал и корупција во градовите и државите управувани од демократите.

„Не ни треба договор со Иран. Тие денови се одамна минато. Ги имаме нивните пари, стотици милијарди долари, и ја имаме и нивната теснина!“, објави Трамп на социјалните мрежи, алудирајќи на Ормуска Теснина.

Тој наведе дека побарал од Венс да се фокусира за сузбивање на наводните измами во градовите и државите контролирани од демократите.

„Нашиот буџет би можел брзо да се БАЛАНСИРА со корекција на овие криминални активности од голем обем. КОРУПЦИЈАТА е во крвта на демократското лидерство!“, наведе Трамп.

„Волстрит џурнал“, повикувајќи се на неименувани извори, вчера објави дека Венс размислува за директна средба со секретарот на Врховниот совет за национална безбедност на Иран Мохсен Резаи, како дел од напорите на Вашингтон за продолжување на разговорите со Техеран и завршување на војната со Иран. 

МИА