Тричлен совет ќе го води Иран во текот на транзицискиот период по смртта на Хамнеи

Тричлен совет привремено ќе управува со Иран по смртта на врховниот водач, ајатолахот Али Хамнеи.

Советот, составен од претседателот Масуд Пезешкијан и шефот на судството Голамхосеин Мохсени Ејеи, како и член на Советот на чуварите, ќе ја преземе одговорноста за транзициската фаза, јавија денеска иранските државни медиуми.

Советот ќе ги извршува должностите на Хамнеи додека Собранието на експерти, тело од 88 влијателни верски лица, не номинира наследник.

Иранскиот закон налага Собранието на експерти да избере нов врховен водач во најбрз можен рок.

Нејасно е кој би можел да го наследи Хамнеи, кој беше убиен во вчерашните напади врз Иран од страна на САД и Израел.

МИА