Виткоф и Кушнер пристигнаа во Москва, денеска ќе се сретнат со Путин

Авионот со специјалните пратеници на американскиот претседател Доналд Трамп, Стив Виткоф и неговиот зет Џаред Кушнер, пристигна од Абу Даби на московскиот аеродром „Внуково“.
Двајцата денеска во Кремљ ќе разговараат со рускиот претседател Владимир Путин, по дводневните трилатерални преговори меѓу Русија, Украина и САД во Абу Даби.
Пред средбата со Путин, Виткоф и Кушнер ќе разговараат со Кирил Дмитриев, специјалниот претставник на рускиот претседател за инвестиции и економска соработка со странство, кој раководи и со Рускиот фонд за директни инвестиции. Дмитриев ги пречекал американските пратеници на аеродромот „Внуково“.
Виткоф и Кушнер денеска треба да пристигнат и во Даблин, каде што ќе се одржи деветтиот самит на Европската политичка заедница, на кој се очекува учество на околу 50 европски лидери.
За време на Самитот, генералниот секретар на НАТО, Марк Руте, ќе има билатерални средби со европски државни и владини претставници, меѓу кои и со украинскиот претседател Володимир Зеленски.
Се очекува Зеленски во Даблин да разговара и со Виткоф и Кушнер за преговорите за завршување на војната во Украина.
МИА
Ново на Сител
-

2,1 милион евра за изведувачите за прославата за независноста - индивидуалните хонорари тајна
-

Бугарија е против квалификувано мнозинство во ЕУ
-

Ристоска ја тужи ВМРО-ДПМНЕ за клевета и навреда
-

Стопирањето со БСЖ вакцината ги зголеми загриженоста и одговорите што ги бараат родителите
-

Преглед на вестите од светот
-

Ристовска го тужи ВМРО-ДПМНЕ
-

Владата пресмета 11.000 денари пониска потрошувачка кошничка од синдикатот
-

СДСМ: Никој не гласаше за 600 евра минимална плата
