Вработен во ДЗС осомничен за примање поткуп од 32.000 денари, Обвинителството бара притвор

Основното јавно обвинителство Скопје поведе истражна постапка против вработен во Дирекцијата за заштита и спасување (ДЗС), осомничен за примање поткуп во износ од 32.000 денари. Јавниот обвинител до судијата на претходна постапка доставил предлог за определување мерка притвор.
- Основното јавно обвинителство Скопје донесе наредба за спроведување истражна постапка против едно лице за кривично дело - „примање поткуп“ по член 357 став 1 од Кривичен законик. Осомничениот како службено лице - вработен во ДЗС во Одделение за издавање урбанистички согласности бил овластен да потпишува, дава мислење и издава согласност на просторни и урбанистички планови и проекти од аспект на заштитата и спасувањето и елаборати за заштита од пожари, експлозии и опасни материи. За да изврши службено дејствие, што не смеел да го изврши, односно да даде согласност за елаборат, иако тој не ги исполнувал условите за градба во делот за заштита од пожари, експлозии и опасни материи, осомничениот директно побарал и примил поткуп од едно лице во износ од 32.000 денари - соопштија од Јавното обвинителство.
Поради постоење ризик од бегство, можност осомничениот да го повтори делото и опасност од влијание врз сведоци, јавниот обвинител до судијата на претходна постапка доставил предлог за определување мерка притвор.
Од Обвинителството посочуваат дека предлогот за притвор е заснован на природата на кривичното дело, начинот и околностите под кои било сторено, неговите последици и позицијата на осомничениот.
МИА
Ново на Сител
-

Насилникот нема да смее да се врати дома 48 часа – ако ја прекрши забраната, следува кривична пријава
-

Потребно е поголемо охрабрување на жените од руралните средини да го пријавуваат насилството
-

Мицкоски: Реформската агенда и клучните законски решенија ќе бидат заокружени до декември
-

Охрабрувачки бројки за премиерот, разочарувачки за опозицијата
-

Политичките партии бараат одговорност за Алта банка
-

На Светскиот ден на дијабетесот пациентите бараат сензори за сите лица со Тип 1 и превенција од компликации
-

Поради ниската откупна цена на пченицата драстично намалување на површините за есенската сеидба
-

Интензивно се работи на автопатот Охрид-Кичево
