Ден на високи гости во рамки на вежбата „Блесок 26“

На армискиот полигон „Криволак“ денеска ќе се реализира Ден за високи гости во рамки на вежбата „Блесок 26“.

Најавено е присуство на претседателката на државата и врховен командант на вооружените сили Гордана Сиљановска-Давкова, министерот за одбрана Владо Мисајловски и началникот на Генералштабот на Армијата, генерал-мајор Сашко Лафчиски. Предвидено е и присуство на претставник од Командата на здружени сили на НАТО во Неапол.

Во рамки на Денот за високи гости ќе се реализира тактичка вежба „Воведување на лесна пешадиска баталјонска група (ЛПБГ) во офанзивни операции“.

МИА