Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра

Европската комисија даде зелено светло за последните грчки барања за исплата на средства од Фондот за закрепнување, во висина од 11,32 милијарди евра, потврдувајќи дека сме ги исполниле сите 376 обврски и цели предвидени со нашиот национален план. Со исплатата на последните транши, земјата ќе има добиено 100 отсто од средствата што ѝ следуваат, односно 35,95 милијарди евра, без да изгуби ниту едно евро, напиша на Фејсбук грчкиот премиер Кирјакос Мицотакис, јави дописничката на МИА од Атина.
Во изминатите пет години Грција ги исполнила сите услови за целосно искористување на средствата што ѝ следуваат од Фондот за закрепнување и отпорност, во вкупен износ од 35,95 милијарди евра. Според Министерството за национална економија и финансии, биле реализирани 176 реформи и инвестиции и 376 реформски обврски и цели.
Мицотакис коментираше дека станува збор за голем успех, имајќи предвид дека „Грција требаше да управува со најголемата програма во ЕУ, во однос на бројот на жители и големината на БДП“.
Додаде дека на самиот почеток главното прашање било дали ќе успеат да ги реализираат сите преземени обврски, но и какви промени ќе можат да направат за толку кратко време.
– Да видиме каде сме денес. Во дигиталните услуги што државата им ги обезбедува на граѓаните во земјата, го надминавме европскиот просек. Од нето-увозник на електрична енергија, Грција стана нето-извозник, со значителен придонес на инвестициите во обновливи извори на енергија. Го ограничивме даночното затајување и значително го намаливме јазот во ДДВ. Процесот на изработка на катастарот го доведовме до завршна фаза, со децении нерешено прашање. Невработеноста се намали на историски ниско ниво, а јавните и приватните инвестиции, од околу 11 отсто од БДП во 2019 година, се проценува дека годинава ќе достигнат речиси 19 проценти, значително намалувајќи го заостанувањето зад европскиот просек, напиша грчкиот премиер.
МИА
Ново на Сител
-

МВР: Првата пријава за насилство од 17-годишната девојка од Богданци била на 30 септември
-

Рокас: Овој извештај е подобар од претходниот, Мицкоски бара фер европски процес
-

Брисел: Правосудството со слабости, корупцијата тапка во место
-

СДСМ: Каков мандат, таков извештај – катастрофата на Мицкоски потврдена од Брисел
-

Турканици, нервози и расправии пред Алта банка во Битола – по 20.000 денари од шалтер подигнуваа тие кои добиле порака
-

Министерката за финансии немала информации за влезот на Алта банка, Филипче бара нејзина оставка
-

Мицкоски: Ако не се најде купувач за Алта, граѓаните и фирмите да бидат спокојни, ќе бидат обештетени до денар
-

Голема акција во Куманово: „Падна“ лихварска група, претреси во менувачница
