Преглед на вестите од светот

Протестите поради изборните резултати во Белград продолжуваат и влегоа во 10-тиот ден. Голем број на поддржувачи на опозицијата се приклучуваат на протестот и излегуваат на белградските улици.

Опозициската алијанса Србија против насилството, која се пласираше на второто место на општите избори претходно овој месец, ја обвини владејачката популистичка Српска напредна партија (СНС) за широко распространета гласачка измама, што властите ја негираат.

Една од опозициските водачи Мариника Тепиќ, која штрајкуваше со глад заедно со петмина колеги по гласањето, ги обвини властите за вклучување мртви лица во избирачкиот список и увезување гласачи од Босна и Косово.

Инаку, изборен молк почна на полноќ во Србија, во пресрет на повторени избори на повеќе од 30 избирачки места, и ќе трае до затворањето на тие избирачки места в сабота, 30 декември, во 20 часот. Право на глас на повторените парламентарни избори имаат 15.566 граѓани.

Истиот ден ќе се повтори гласањето на три избирачки места во Белград, на локалните избори за градското собрание.

Повторното гласање, како и на 17 декември, ќе трае  в сабота од 7 до 20 часот.

Армијата на Израел води сѐ пожестоки борби со Хамас во Газа. Се интензивира и размената на оган со шиитската милиција Хезболах во Либан. Загриженоста од проширување на војната на Блискиот Исток е сѐ поголема. Израелската војска ги засили нападите врз најголемиот град на југот во Појасот Газа и бегалскиот камп во централниот дел на палестинската територија.

Портпаролот на израелската армија Даниел Хагари изјави дека бомбардирањето на бегалскиот логор трае веќе три дена и дека уште една бригада е распоредена во Кан Јунис, кој се наоѓа во центарот на жестоките улични борби.

Тој навести и можно „ширење на конфликтот на север“ долж либанската граница, каде што не престанува размената на оган меѓу израелската армија и екстремистите на Хезболах од почетокот на војната во Појасот Газа.

Многу западни и блискоисточни влади изразија загриженост за проширувањето на конфликтот на северната граница на Израел со Либан. Во средата Хезболах истрела повеќе ракети и вооружени беспилотни летала отколку во кој било претходен ден, изјавија безбедносни извори.

Студентот на Филозофскиот факултет во Прага, кој на 21 декември со пушка уби 14 студенти и предавачи, рани 25 лица, а потоа се застрела самиот себе, во проштално писмо признал дека убил млад татко и неговото двомесечно бебе една недела претходно додека шетале во шумата на периферијата на Прага.

Сè уште само се шпекулира кој бил мотивот за извршените убиства на еден добар студент по историја