Обвинетиот за нападот врз Арсовска тврди дека е тој жртва, го удрила со нога

Обвинетиот за нападот на градоначалничката, Данела Арсовска, тврди дека тој е жртва во случајот. Иако е обвинет за физички и вербален напад, Сулејман Јамалари денеска во судницата рече дека бил неовластено сниман од Арсовска, а кога се обидел да ја спречи, таа со нога го удрила во левата натколеница.

„Тој ден, јас не нападнав никого. Јас бев нападнат од градоначалничката. Пријде кон мене со телефон, и само со рака мафтав да и го тргнамда не ме снима неовластено. Оштетената ме клоцна со нога над левата надколеница“, изјави во судницата Јамалари. 

Сведочењето денеска го следеше и градоначалничката Арсовска. Според Јамалари, меѓусебно со Арсовска и како што рече, нејзината екипа, размениле многу пцовски. Интервенирала и полицијата. Смета дека Арсовска треба да одговара за напад бидејќи го удрила со нога, па во средата до јавното обвинителство поднел пријава против градоначалничката.. Обезбедил и медицинска документација за нанасена повреда.

„Она кога пријде кон мене, телефонот и беше во рака и го сврте кон мене. Кога телефонот подолго се држи во рака, тоа значи дека снима. Јас не тргнав кон оштетената. Таа тргна кон мене и директно ме нападна“, тврдеше во судницата Јамалари.

По предлог на обвинетиот, денеска пред судот се појавија и тројца сведоци, за кои одбраната тврди дека одблизу ги гледале движењата на Арсовска и Јамалари. Некој бил во нивна близина, друг, случајот го следел од прозорец. Но, тврдеа дека виделе само како Арсовска го удира обвинетиот Јамалари.

На почетокот на судењето пак, градоначалничката рече дека прво Јамалари ја удрил по лицето, па таа инстиктивно го удрила со ногата. Најави дека ќе бара и отштета.. 

Инцидентот се случи на 11 минатиот месец кога Арсовска била на увид во Чаир по пријава за бесправно градење.  

Со распитот на последните сведоци, судењето ќе продолжи со завршни зборови, по што ќе следи и пресуда за случајот.