СПМ: Катастрофалното менаџирање на власта со институциите руши цели системи

Социјалистичката партија на Македонија оценува дека катастрофалното менаџирање на власта со институциите руши цели системи, елементи што ги сочинуваат, доведувајќи ги во состојба на подоптималност.
Нефункционирањето на образованието, на здравството, на судството, транспортот, како и лошите политики во областа на економијата, финансиите, земјоделството, културата, безбедноста, одбраната и во другите области доведоа до масовно исселување на граѓаните. Државата ги осиромашува граѓаните по сите основи и ги принудува да бараат егзистенција во други држави.

Расте севкупното незадоволство изразено преку протести и штрајкови.

Сè додека нејнеспособниот премиер Ковачевски се труди да покаже дека нешто работи тој ѝ нанесува штета на државата Македонија и на најголемиот дел од граѓаните, освен на членовите на неговиот мафијашки клан.

Социјалистичката партија на Македонија цени дека власта е во функција на криминалот на ДУИ и СДС за нивно неограничено богатење за сметка на парите собрани од граѓаните.
Постојните 20 министри, 16 министерства, 40 органи во состав и неброени агенции, секретаријати, комисии и што уште не треба да се во функција да испорачуваат услуги на граѓаните, а тие се незадоволни затоа што имаат само товар од обврски да ги плаќаат овие подоптимални системи.

Социјалистичката партија на Македонија укажува дека владата што не е во функција на потребите и интересите на граѓаните мора да си оди и на итни избори да се изберат национално определени личности кои оптимално ќе ги уредат системите и ќе ја водат државата и институциите.

 Социјалистичка партија на Македонија