Струмичката болница оваа зима ќе се грее на гас

Од оваа сезона струмичката општа болница наместо на нафта ќе се загрева на природен гас. Еден од најголемите објекти во градот кој во изминатиот период се посочуваше и како голем загадувачи на воздухот целосно е гасифициран. Со процесот на гасификација опфатени се и стариот и новиот крак на болницата. Според директорката, д-р Катерина Кузмановска реализацијата на овој проект освен што носи придобивки од енергетски и еколошки аспект ќе значи и голема заштеда на средства.

Од Јавното претпријатие Струмица гас очекуваат дека примерот на болницата ќе го следат и останатите јавни објекти и ќе се приклучат на гасоводната мрежа.

Гасификацијата на струмичката општа болница чини 6.9 милиони денари. Од нив 5 милиони обезбедени од генералниот секретаријат на Владата, а 1.9 милиони од Министерството за здравство.