Зеленски: Руските млазни дронови ги соборуваме со борбени авиони „Ф-16“

„Користиме соодветни ракети на „Ф-16“, соборувајќи млазни дронови. Тоа е скапо, но понекогаш, кога ништо не може да се направи за да се собори одреден млазен беспилотен авион, човечкиот живот е поважен и поскап, па понекогаш „Ф-16“ се користат против таквите летала“, рече Зеленски на телевизија за време на посетата на Канада, пренесува Укринформ.

Како што рече, во Канада дознал за украинско-канадскиот развој на евтина ракета против млазни дронови.

„Момците веќе успеаја, чекаме канадските и украинските момци да дојдат кај нас во Украина за тестирање во живо. Бидејќи сега ова е прашање број еден. Бараме решение за проблемот со спротивставување на млазните дронови насекаде, не само во Украина. Нашето сопствено производство е приоритет, но најважно е кој може да го собори побрзо, кој може да го собори подобро“, рече Зеленски.

Тој додаде дека неколку тимови работат во Украина на прашањето за соборување на млазните беспилотни летала.

Според него, во моментов во Украина работат 67 компании кои можат масовно да соборуваат млазни беспилотни летала, а во моментов има три до пет компании кои веќе покажаа резултати. 

МИА