АХВ од Тетово почнува со работилници за управување со популацијата на кучиња

Агенцијата за храна и ветеринарство (АХВ) денеска во Тетово, почнува со реализација на серијата работилници „Ангажманот на локалната заедница во управување со популацијата на кучиња“, што ќе се реализираат во рамки на иницијативата за решавање на проблемот со бездомните кучиња во земјава.

На работилницата ќе учествуваат претставници на АХВ, министерствата за локална самоуправа и за животна средина и просторно планирање, општините од Полошкиот плански регион, претставници на ЗЕЛС, Ветеринарната комора, Факултетот за ветеринарна медицина од Скопје, и други.

На работилницата ќе бидат презентирани новите пристапи за управување со популцијата бездомни кучиња каде преку стандардите на хуман, стручен и безбеден начин ќе се заштитат и благосостојбата на животните и јавното здравје.