Хуманитарна акција на ученици во Струмица

Средношколците од текстилната струка во  училиштето Никола Карев од Струмица предновогодишно во хуманитарна мисија. Часовите по практична настава ги користат за изработка и шиење на постелнина наменета за детското одделение во струмичката болница. Ова не е прва ваква акција на овие ученици, за болницата шијат по трет пат.

Во нивната хумана мисија средношколците поддршка добиваат и повеќе општествено одговорни компании кои им ги обезбедиле дел од материјалите. Нивните професори велат дека преку ваквиот начин на работа учениците  во исто време стекнуваат практични знаења, а ја развиваат и нивната општествена одговорност.

Постелнината наменета за болницата не е единственото што го имаат направено учениците од текстилната струка, тие шиеле и за други јавни институции а правеле и униформи за нивните врсници од угостителската струка во училиштето Димитар Влахов.