Нов семафорски столб на крстосница во Автокоманда

Екипите на ЈП "Улици и патишта" Скопје, по налог на Град Скопје, денес го монтираат новиот семафорски столб на крстосницата во Автокоманда на булеварот Александар Македонски со улица 16-та Македонска Бригада, кој беше уништен од сообраќајната незгода која се случи во изминативе денови на овој потег.

При санацијата се извршени градежни работи, направени се нови темели, а денес се монтира нов портален семафорски столб за нормално функционирање на семафорите и враќање на безбедноста во сообраќајот во овој дел од градот.

Екипите одговорни за одржување на светлосната сигнализација продолжуваат со тековните активности, се координираат до Центарот за управување и контрола на сообраќајот и со редовната контрола и обиколка на семафоризораните крстосници во градот и интервенираат на санирање на дефектите на семафорите во градот.