Производите поскапуваат, ќе следат ли повисоки плати?

За 8 години бројот на работници кои земаат минималец е 4 кратно зголемен. Според анализата на Синдикатот, од 30 илјади корисници во 2013 та сега лицата кои земаат по 15 илјади плата е зголемен на 110 илјади. Од ССМ  бараат – политичката криза да не биде причина она што го ветила власта, да не се реализира. Минималецот до Нова година да  порасне на 18. 000 денари. Но со него, да се зголемуваат и сите останите плати, согласно колективните договори и образованието.

 На таа минималната плата од 18,000 денари има додатоци за тежина на работа, за минат труд, за ноќни смени, за празник. Не може хигиенирачарка да зема 18,000 и рецепионер исто. Мора да има повисока плата, согласно повисокиот  коефициент кај рецепционерот, изјави Дарко Димовски, претседател на ССМ.

Во време кога цените на производите секојдневно растат и според денешната статистика, само во октомври поскапеле за над 6%, Димовски вели,  несфатливо е работодавачите да се жалат дека 18,000 денари им се многу за работниците.

Па тие ги поскапеа производите. Тие ги диктираат цените. Нив ако им е многу, нас ни е малку плата. Ако има за нив, треба да има и за нас. Гладен работник не може да биде продуктивен работник, додава Димоски.

Покрај зголемување на минималецот, ССМ бара Собранието да го изгласа и законот за недела- неработен ден, кој требаше да се применува од октомври.