Почина актерот Лазе Манасков

Македонската театарска јавност се простува од актерот и долгогодишен театарски работник Лазе Манасков, кој почина денес.

Веста за неговата смрт беше примена со тага од колегите, уметничката заедница и публиката што со години го следеше неговиот професионален ангажман.

Во текот на својата кариера, Манасков оствари бројни улоги и даде значаен придонес во развојот на македонскиот театар. Колегите го паметат како посветен професионалец, коректен соработник и човек со силно чувство за одговорност кон сцената и професијата.

Вечерашната изведба на претставата „Куршуми над Бродвеј“ ќе се одигра во негова чест. Претставата ќе биде посветена на неговата меморија, како знак на почит кон неговиот уметнички и професионален ангажман.

Заминувањето на Лазе Манасков претставува загуба за македонската театарска сцена, а неговиот придонес ќе остане дел од културната историја.