„СпејсИкс“ за првпат успешно го прифати горниот сегмент на ракетниот систем „Старшип“

Компанијата „СпејсИкс“ успешно го прифати горниот сегмент на ракетата „Старшип“ на враќање на Земјата по пробниот лет во вселената.
Околу 20 часа по лансирањето, „Старшип“ се врати во вселенскиот центар „Старбејс“ во јужен Тексас, каде што механичките раце успешно го прифатија сегментот на лансирната рампа. Станува збор за прва успешна проба на компанијата на Илон Маск за таков начин на приземјување.
Претходно на истиот лет неупешна беше пробата за прифаќање на долиот степен на ракетата, што наместо да биде прифатен на лансиранта рампа, падна во морето и се запали.
Компанијата „СпејсИкс“ засега не ја соопшти можната причина за неуспехот. Долниот степен, познат како бустер „Супер хеви“, успешно беше фатен при три претходни пробни летови.
Горниот степен, наречен „Старшип“, влезе во орбитата на Земјата кратко по одвојувањето од засилувачот и распореди сателити за интернет-сервисот „Старлинк“ на компанијата. Потоа неколкупати ја обиколи Земјата.
При претходниот тест-лет во септември, „Старшип за првпат стигна до орбитата околу Земјата, по што изврши контролирано спуштање во Тихиот Океан.
Висок околу 120 метри,„ Старшип“ е најголемиот ракетен систем некогаш изграден, при што двата степена се дизајнирани за повеќекратна употреба.
НАСА планира да го користи Старшип за испраќање астронаути на Месечината, додека „СпејсЕкс“ се надева дека во иднина ќе стигне и до Марс.
МИА
Ново на Сител
-

Изгласан вториот ребаланс на буџетот
-

Трамп ја номинира адвокатката Кристи Меккормик за нова амбасадорка во Македонија
-

Нацрт-верзиите на Кривичниот Законик и Законот за кривична постапка отпатуваа за Брисел
-

До февруари „Сејф Сити“ низ цела држава – Годишно се очекуваат 10 милиони евра од казни во буџетот
-

Обвинителот Игорчо Крстов бара Ива Михаилова јавно да се извини за клеветењата
-

Во некои одделенија и по 10 ученици немаат втора доза на МРП вакцина
-

Преглед на вестите од светот
-

Ребалансот на буџетот и Законот за јавни набавки со над 2000 амандмани на Собраниска седница
